A expedición da RC Deportivo Fundación segue avanzando en Albania con novas reunións institucionais enmarcadas no programa Erasmus+, iniciativa da Unión Europea que fomenta a mobilidade internacional e o intercambio de coñecemento entre entidades.
Nesta xornada, Álex Espiñeira, coordinador de proxectos internacionais, e Mario Ortega, adestrador da RC Deportivo Fundación, mantiveron un encontro con Profesor Dr. Artan Pogoni, Head Department of Physical Education and Sports de Barleti University, en Tirana.
A reunión permitiu coñecer de preto o traballo da universidade e compartir impresións sobre posibles liñas de colaboración futura no ámbito deportivo e formativo.
Esta visita súmase á folla de ruta internacional da RC Deportivo Fundación, que segue estreitando lazos con institucións, universidades e clubs de distintos países para xerar novas oportunidades de cooperación.
