O Fabril terá mañá martes 25 de xullo a súa segunda cita da pretemporada. Será a partir das 19:30 horas no Municipal de Laracha, ante o equipo local, que este ano regresou á Terceira División.
Cristóbal Parralo, técnico fabrilista, non poderá contar con Óscar Pinchi y Edu Expósito, posto que están ás ordes de Pepe Mel no primeiro equipo.
O calendario de partidos de preparación do Fabril xa confirmado é o seguinte:
23 de xullo, torneo 'tres nun' en Viveiro
Viveiro 0 - Fabril 4 (Uxío -2-, Gaizka e Porrúa)
Fabril 1 (Queijeiro) - Somozas 0
25 de xullo, 19:30 horas: Laracha - Fabril (Municipal, Laracha)
30 de xullo, 19:00 horas: SD Compostela - Fabril (campo da Silveira, Camporrapado, Boqueixón)
2 de agosto, dezaseisavos de final da Copa Deputación da Coruña: Marino de Mera ou Laracha - Fabril
8 de agosto: Fabril - Real Madrid Castilla (Estadio ABANCA-RIAZOR)
Entradas á venda para o Trofeo Manolo Martín
Están á venda na Oficina de Atención ao Deportivista e El Corte Inglés (Ramón e Cajal e Marineda City) as entradas para o XXXIV Trofeo Manolo Martín que disputan o Fabril e o Real Madrid Castilla o próximo 8 de agosto ás 18:30 horas no Estadio ABANCA-RIAZOR.
As entradas, que teñen carácter benéfico (a recadación destinarase integramente ás obras de restauración do Santuario da Virxe da Barca en Muxía), teñen un custo de 5 euros. Os menores de 15 anos poden acceder de forma gratuíta pero deben retirar invitación na OAD ou El Corte Inglés.
