A xogadora do Deportivo ABANCA B Carlota Sánchez está concentrada coa selección española sub-17 para disputar en Bulgaria a Fase Final do Campionato de Europa da categoría.
Carlota, co resto de seleccionadas, viaxa hoxe xoves 2 de maio á cidade búlgara de Albena.
Na Primeira Fase do torneo, España medirase a Dinamarca, Bulgaria e Portugal, con este calendario de partidos:
Domingo 5 de maio
16:00: ESPAÑA - DINAMARCA, en Kabarna
Mércores 8 de maio
16:00: BULGARIA - ESPAÑA, en Balchik
Sábado 11 de maio
14:00: PORTUGAL - ESPAÑA, en Dobrich
As dúas primeiras de grupo pasan a semifinais, que se xogarán o martes 14 de maio en Dobrich e Kabarna.
Carlota segue os pasos dados con anterioridade por outras xogadoras deportivistas como Teresa Abelleira, Nuria Rábano e Malena Mieres, tamén internacionais en categorías inferiores.
Por este motivo, a atacante branquiazul non pode xogar co seu equipo, o Deportivo ABANCA B, os 3 últimos partidos de liga: ante o CP Alertanavia (onte mércores 1 de maio), a visita das Viajes InterRías FF a Abegondo (domingo 5 de maio ás 12:00) e o encontro en Vigo ante o Sárdoma CF B (domingo 12 de maio), correspondentes ás xornadas 28, 29 e 30 respectivamente na Primeira Autonómica.
