Víctor dispuxo dun partido once para once no campo 3 da cidade deportiva. Os fabrilistas Jorge, Santi Taboada e Blas completaron ao primeiro equipo. A mañá arrincou cun traballo físico preventivo dirixido polos preparados físicos Nacho Oria e José Ángel Franganillo; e uns rondos no campo 2.
Lopo, con molestias nun nocello, e Arribas, cunha contusión na coxa, retiráronse antes ao vestiario. Adestráronse á marxe Fabricio e Sidnei (co readaptador Pablo López); e Manuel Pablo (cos fisioterapeutas Adán Carbó e Adolfo Mateo). Pletikosa non traballou por mor dunhas molestias no xeonllo dereito, pendente de avaliación médica.
Ao finalizar o traballo, futbolistas, técnicos, auxiliares e empregados da cidade deportiva gozaron dun asado, preparado como é habitual por Germán Lux.
Mañá xoves, o persoal está citada ás 10.30 en Abegondo.
A planificación semanal, sempre susceptible de sufrir variacións por razóns técnicas, é a seguinte:
Xoves 17 de marzo
10.30: Adestramento en Abegondo
Venres 18 de marzo
10.30: Adestramento en Riazor, a porta pechada
Sábado 19 de marzo
11.30: Adestramento en Riazor, a porta pechada
