Adestramento en Riazor e convocados para o partido Xuntos con Galicia
O cadro de persoal branquiazul dispuxo de xornada de descanso este domingo e volve ao traballo este luns, ás 10:30 horas, en Riazor. Tras a sesión, o técnico dará a lista de 11 convocados do Deportivo para o amigable polos damnificados do Prestige Xuntos
Un combinado do Deportivo e Celta xogará ante o Real Madrid nun encontro que será televisado pola Televisión de Galicia e Telemadrid. A camiseta do combinado galego será verde, cos escudos de Deportivo e Celta. O pantalón será negro.
A saída de Deportivo e Celta cara a Madrid será conxunta, o mesmo día do partido, desde o aeroporto de Lavacolla. En Madrid, o hotel de aloxamento será o Hesperia. O regreso será ao día seguinte, á primeira hora, aos aeroportos da Coruña e Vigo respectivamente.
O propio martes, día do amigable polos damnificados do Prestige, haberá unha rolda de prensa no Hotel Hesperia, ás 13:30 horas, dos adestradores e xogadores do tres clubs participantes no acto Xuntos con Galicia.
A Fundación ARAO abriu unha conta específica para o devandito partido en Caixa Galicia: 20910300483040140768. As entradas custan 100, 60, 10, 6 e 3 euros e para a súa venda están xa habilitadas despachos de billetes no Estadio Santiago Bernabéu.
