RCDeportivo RCDeportivo RCDeportivo
Skip to main content
#OSNOSOS

O Dépor coñecerá o seu calendario en LaLiga Hypermotion o martes 1 de xullo

O RC Deportivo coñecerá o seu calendario da temporada 2025-26 en LaLiga Hypermotion o martes 1 de xullo nun acto que a RFEF celebrará na localidade abulense de San Juan de la Nava.

Así pois, o organismo federativo fará público o calendario asimétrico a partir das 20:00 horas.

Ademais do Dépor, compoñen LaLiga Hypermotion estes equipos: AD Ceuta FC, Albacete Balompié, UD Almería, Burgos CF, Cádiz CF, CD Castellón, Córdoba CF, Cultural Leonesa, SD Eibar, FC Andorra, Granada CF, SD Huesca, CD Leganés, Málaga CF, CD Mirandés, Real Racing Club, Real Sociedad B, Sporting de Gijón, Real Valladolid, Real Zaragoza e UD Las Palmas.

Dous amigables de pretemporada xa confirmados

Están confirmados os dous primeiros amigables desta pretemporada para o Deportivo, ambos ante equipos da Championship (Segunda División) inglesa.

Así, o mércores 30 de xullo, Os Nosos enfrontaranse ao Watford ás 19:45h. (hora local, 20:45h. en Galicia) en Vicarage Road, en Watford.

E o sábado 2 de agosto, ás 15:00h. (16:00h. en Galicia), o Dépor mídese ao Middlesbrough no Riverside Stadium, de Middlesbrough.

O cadro deportivista comezará os adestramentos de pretemporada o luns 7 de xullo.