Ainhoa Marín xa está concentrada na Ciudad del Fútbol de Las Rozas coa selección española sub-23 para dous novos partidos amigables.
A futbolista branquiazul, que xa concluíu a temporada co Dépor ABANCA, adéstrase desde onte luns ás ordes da seleccionadora, Sonia Bermúdez.
Os rivais do combinado nacional serán Suecia este xoves 29 de maio e Portugal o domingo 1 de xuño.
O calendario de Ainhoa Marín con España sub-23 é o seguinte:
Xoves 29 de maio
18:00: ESPAÑA - SUECIA na Ciudad del Fútbol (campo C) en Las Rozas
Domingo 1 de xuño
12:00: ESPAÑA - PORTUGAL, en Los Ángeles de San Rafael (Segovia)
Ainhoa Marín é asidua nas convocatorias deste combinado nacional. Por exemplo, no mes de abril a futbolista branquiazul xa xogou ante Suecia e Inglaterra no Estadio Enrique Roca de Murcia.
