Alba Merino Sánchez (Guadiana del Caudillo, Badaxoz, 15 de maio de 1989) ampliou a súa vinculación co Deportivo ABANCA por unha temporada máis.
Unha das capitás do Dépor ABANCA renova o seu compromiso coa entidade coruñesa despois de tres temporadas vestindo de branquiazul. Nestes tres cursos, Alba converteuse nun alicerce tanto do equipo como do vestiario.
A xogadora pacense disputou 75 encontros oficiais co Deportivo ABANCA, que a sitúan no noveno posto histórico, e marcou 29 goles, que a elevan á sexta praza deste ranking. Con 12 tantos, Alba é a terceira máxima goleadora deportivista nestas dúas temporadas en Primera Iberdrola, só superada polos 24 de Peke e os 16 de Gaby. A pesar de sufrir unha longa baixa debido a unha fractura de clavícula no curso 2019-2020, Alba é quinta futbolista que máis partidos disputou co Deportivo ABANCA na máxima categoría, con 49 presenzas.
A centrocampista estremeña debutou na máxima categoría do fútbol español en 2003, co CF Puebla, con só 14 anos, sendo a futbolista máis nova na historia da Primeira División. Desde entón, só deixou de xogar na división de honra unha temporada, a do histórico ascenso do Dépor ABANCA, do que foi unha das principais artífices. Ademais, durante a Temporada 2006-2007, Alba alcanzou a internacionalidade coa selección española sub-19.
CF Puebla (2003-2007), Atlético de Madrid (2007-2011), Levante UD (2011-2017) e Santa Teresa CD (2017-2018) foron os equipos de Alba antes de recalar no Deportivo ABANCA, no que xogará por cuarta campaña consecutiva.
