Antía Veiga Caramés (Ames, 9 de maio de 2009) renovou co RC Deportivo até xuño de 2028.
Desta forma, o RC Deportivo asegúrase a continuidade dunha das futbolistas de Abegondo con maior proxección de futuro, como o demostra o seu crecemento cada ano.
A temporada pasada formou parte do cadro do Dépor ABANCA B de Tercera Federación, co que logrou o título de liga e o consecuente ascenso a Segunda Federación.
A porteira deportivista chegou ao RC Deportivo en cadetes e, após superar todas as etapas, xa está ás portas do primeiro equipo.
Así, Antía Veiga adestrouse co Deportivo ABANCA na pretemporada 2024-25 e chegou a debutar no amigable ante o Real Oviedo Femenino disputado o pasado 21 de agosto de 2024 en Abegondo.
A canteirá é ademais internacional española en categorías sub-15, sub-16 e sub-17.