A firma italiana Kappa e o RC Deportivo presentaron a icónica camiseta Kombat XXV, unha peza revolucionaria que marcou un fito no ano 2000 coa selección italiana e que regresa agora na súa edición conmemorativa Kombat XXV.
A camiseta xa está dispoñible en todas as Déportiendas (ABANCA-RIAZOR, Marineda City e rúa Real 59 da Coruña) e na tenda online.
Do 15 ao 30 de novembro, un total de 18 equipos patrocinados por Kappa en todo o mundo visten esta edición especial nos seus partidos oficiais, creando así unha conexión global ao redor deste lanzamento.
Neste marco, os xogadores do Dépor saltaron ao terreo de xogo coa KombatTM XXV na xornada 15ª de LALIGA HYPERMOTION disputada fronte ao AD Ceuta FC o pasado domingo no estadio ABANCA-RIAZOR.
A activación incluíu ademais varias accións especiais desenvolvidas en colaboración coa marca. Entre elas, destacou a presenza de Escort Kids, que acompañaron aos xogadores na súa saída ao campo, así como unha acción especial realizada durante o descanso, completando a presentación oficial deste equipamento conmemorativo.
Desde o seu lanzamento, as Kombat combinaron innovación técnica e simbolismo cultural, marcando un antes e un despois na historia do fútbol e a moda deportiva.
Coa Kombat XXV, Kappa celebra un cuarto de século de evolución constante cunha proposta que pecha o ano con estilo e proxecta unha mensaxe de innovación, enerxía e crecemento.
