Antía Veiga está concentrada coa selección española sub-17 para disputar a Rolda 1 do Campionato de Europa da categoría que se celebra en Portugal do 26 de novembro ao 2 de decembro.
O primeiro rival de España será Portugal este mércores 26 de novembro ás 12:00 no Complexo Desportivo de Cidade do Futebol en Queluz.
A gardameta do Dépor ABANCA B incorporouse este luns 24 de novembro á concentración do equipo nacional e xa está na localidade lusa de Oeiras, cuartel xeral de España.
O calendario do combinado nacional é o seguinte:
Mércores 26 de novembro
12:00: ESPAÑA - BULGARIA no Complexo Desportivo de Cidade do Futebol en Queluz
Sábado 29 de novembro
11:00: ESPAÑA - HUNGRÍA na Cidade do Futebol en Oeiras
Martes 2 de decembro
11:00: PORTUGAL - ESPAÑA, na Cidade do Fútbol en Oeiras
O regreso de Antía Veiga será o mércores 3 de decembro.
Con contrato en vigor até 2028, a porteira deportivista leva até a data 6 partidos disputados de titular co Dépor ABANCA B en Segunda Federación.
Antía Veiga acaba de regresar do Mundial de Marrocos, no que España caeu nos oitavos de final derrotada por Francia na quenda de penaltis.
