-Foto:@rfef.es
Antía Veiga está concentrada coa selección española sub-17 para disputar a Rolda 1 do Campionato de Europa da categoría que se celebra en Portugal do 26 de novembro ao 2 de decembro.
Despois do seu debut oficial no combinado nacional o pasado mércores 26 ante Bulgaria, resolto ademais con goleada de España por 6-1, a canteirá deportivista repetiu titularidade este sábado 29 ante Hungría.
A vitoria foi para as españolas por 2-0, que suman así 6 puntos de 6 posibles.
Na última xornada, o martes 2 de decembro ás 11:00, Antía Veiga mídese a Portugal, que ten 3 puntos a falta de xogar o seu encontro ante Bulgaria.
O calendario do combinado nacional, cos resultados dos xa xogados, é o seguinte:
Mércores 26 de novembro
ESPAÑA 6 - BULGARIA 1
Sábado 29 de novembro
ESPAÑA 2 - HUNGRÍA 0
Martes 2 de decembro
11:00: PORTUGAL - ESPAÑA, na Cidade do Fútbol en Oeiras
O regreso de Antía Veiga será o mércores 3 de decembro.
Con contrato en vigor até 2028, a porteira deportivista leva até a data 6 partidos disputados de titular co Dépor ABANCA B en Segunda Federación.
Antía Veiga acaba de regresar do Mundial de Marrocos, no que España caeu nos oitavos de final derrotada por Francia na quenda de penaltis.
