Antonio Hidalgo subliñou na sala de prensa do Dépor Training Center que está "moi contento co cadro. É unha evidencia que temos que mellorar do que vimos no último mes".
Advirte que "deixamos de facer algunhas cousas que faciamos antes e que temos que volver facer para ter solidez".
O técnico deportivista insiste en que "hai que mellorar a faceta defensiva. Estamos nunha categoría na que a solidez, o equilibrio, a portería a cero dáche unha posibilidade moi grande, especialmente co talento que temos nós arriba".
Tamén cre que "temos que producir máis. Producimos moito, moitas situacións de gol moi claras nos últimos partidos que fallamos. O volume de situacións de ataque debe aumentar. Atacar a bloques baixos ás veces non é fácil".
Antonio Hidalgo fala de comprobar "onde están eses puntos de equilibrio para soster o talento que temos adiante".
Preguntado polas dúas novas incorporacións, opina que a chegada de Álvaro "vén provocada pola petición de Daniel Bachmann de saír por un tema persoal. Nós coa máxima responsabilidade non podiamos esperar a que chegasen situacións que che fixesen arrepentir. No seu momento falamos con Álvaro. Púidose dar. Agora temos 4 porteiros. Temos que xestionar isto da mellor maneira sabendo que Álvaro nos vai a complementar a portería".
E sobre Altimira indica que "é un xogador que xa viñamos seguindo. Coa lesión de Ximo Navarro tiñamos que recompor iso un pouco. É un xogador específico nesa posición. Ten moito talento, moi intenso con e sen balón. Vainos a dar esa profundidade que botamos de menos os últimos partidos".
Finalmente do Cádiz CF, rival este domingo 4 de xaneiro ás 21:00 horas (LaLiga TV Hypermotion e Fútbol 2, dispoñible en DIGI TV e outras plataformas) en ABANCA-RIAZOR opina que "foron introducindo diferentes pezas que lle deron unha solidez defensiva e unha produtividade ofensiva grande. Han ir modificando os perfís dos xogadores sen irse demasiado da idea. Veñen dunha boa serie. Nunha globalidad, antes estaban algo peor, agora algo mellor. Nós antes algo mellor, agora algo peor. Atoparon unha idea e unha solidez tanto ofensiva como defensiva que lles fai un equipo perigoso porque están ben traballados e teñen talento".
