Nunha semana longa de traballo, e cunha nova sesión este venres 2 de xaneiro no Dépor Training Center, Antonio Hidalgo asegurou en rolda de prensa que "estamos a preparar aos poucos o partido do domingo" ás 21:00 (LaLiga TV Hypermotion e Fútbol 2, dispoñible en DIGI TV e outras plataformas) ante o Cádiz CF.
Esta chuviosa mañá o corpo técnico fixo fincapé nas finalizacións antes de repasar ao plan de partido no campo 2.
O adestrador deportivista cualificou de "necesarios" os días de vacacións de Nadal despois de "uns primeiros meses moi intensos. Era necesario parar, resetear un pouco as cabezas".
Alégrase ademais Antonio Hidalgo de que "a enfermaría se vai baleirando aos poucos. Ximo está a facer todo e a Escudero fáltalle moi pouco". "Temos a todos os xogadores", engade.
Bil e Noé foron os representantes de #ANOSACANTEIRA.
Este sábado 3 de xaneiro Os Nosos están citados de novo no Dépor Training Center para traballar no céspede a partir das 10:30 horas.