Anuncio oficial de presentación da primeira e segunda persoais
Unha vez que se fixeron oficiais as datas de presentacións, tanto do Deportivo como do Fabril, sóubose que tan só cinco e seis días faltaban para tales eventos. Por iso a Directiva tiña motivos sobrados para apurar as súas xestións de face a novas fichaxe
O primeiro persoal botará a andar o xoves día 27
O DEPORTIVO E O FABRIL INICIAN A TEMPADA A PRÓXIMA SEMANA
Á marxe das xestións encamiñadas a lograr novas fichaxes para as dúas primeiras formacións branquiazuis ?o Deportivo e o Fabril-, que continúan, xa se anuncia a presentación oficial dos respectivos persoais que, nun e outro caso, aínda poden ir completándose xa coa pretemporada en danza e, se as cousas non van ben nos inicios da campaña oficial, poderían buscarse novos reforzos. ?As fichaxes, nun equipo ?adoita dicir un veterano adestrador- non se terminan ata que conclúe a tempada?.
Pois ben, estas presentacións oficiais no estadio de Riazor, segundo comunicación da propia directiva branquiazul, serán así:
R.C.Deportivo: O vindeiro xoves, día 27, ás 11.00 horas, para reunirse despois, xogadores, técnicos, directivos e demais nun lunch de inicio de tempada. O equipo e os técnicos quedarán concentrados en Carballo a media tarde dese mesmo día e ata o 6 ou 7 de agosto.
Fabril Deportivo: Ao día seguinte, ou sexa o venres, día 28, ás 17.00 horas (cinco da tarde).
