O Fabril mídese mañá sábado 17 de maio ás 19:00 ao UCAM Murcia CF no partido de volta da primeira eliminatoria de ascenso a Primera Federación.
O choque de ida xogado o pasado domingo en ABANCA-RIAZOR acabou en táboas (0-0).
Manuel Pablo confirma a baixa de Manu Ferreiro pero si a presenza de Bil, e "con algún xuvenil enchendo a convocatoria".
O filial viaxou esta mañá e realizará esta tarde un último adestramento previo ao encontro en Murcia.
Neste sentido indica que "xa que temos poucos efectivos, non perder máis no día a día. Estamos concentrados e con ganas de afrontar ese partido".
O filial necesita o triunfo porque se o partido chega en empate ao termo da prórroga xa non se lanzarían os penaltis. Pasarían os murcianos posto que foron mellores clasificados en liga, terceiros do grupo 4º, que os fabrilistas, cuartos do grupo 1º.
O UCAM Murcia CF quere un gran ambiente no Be Soccer La Condomina. Para iso, cada socio do Club poderá retirar 2 entradas a maiores por só 10 euros.
