Aprazado o Rayo Vallecano - Dépor ABANCA da próxima semana
O Xuíz de Competición da Real Federación Española de Fútbol atendeu a solicitude do Rayo Vallecano para o adiamento dos dous próximos partidos do equipo feminino, correspondentes ás xornadas 6 e 7 de Primera Iberdrola, ante o Real Betis e o Deportivo Abanca.
Un caso positivo por COVID-19 detectado no equipo e os 10 días de illamento que deben cumprir os cinco contactos estreitos do devandito positivo dentro do cadro motivaron esta solicitude para que non se dispute o partido programado para o vindeiro mércores en Madrid.