Aranzubía insiste en que con traballo chegarán os resultados
O Deportivo recuperó ante Osasuna a Dani Aranzubía, o mellor futbolista durante a tempada pasada, como ben se pode comprobar en diferentes enquisas entre afeccionados e medios de comunicación. "Está claro que cando tes unh
Opina Aranzubía respecto ao encontro de onte que "a actitude do equipo sempre foi boa. Onte saímos mellor ao partido pero faltounos o gol. No momento en que cheguen os goles, o equipo irá para arriba".
Sobre a situación na táboa, penúltimos, a meta branquiazul advirte que "é complicado estar partidos sen gañar. Vaise facendo duro. Pero ésto non fixo máis nada que empezar. Hai que quedar coas boas sensacións e seguir traballando. Así chegarán os resultados".
Agora toca a Real Sociedade, un equipo que ao seu xuízo, "tampouco empezou demasiado ben. Está a tiro e é un partido importante. A partir de agora serano todos pero o máis importante será o primeiro. Tentaremos facer un bo partido como o de onte e a ver se nos acompaña a sorte".
A pesar do seu pasado no Athletic de Bilbao, non será un partido especial para el. "É especial pola situación do Dépor pero non por xogar contra a Real. Sería especial se estivese no Athletic porque é un derbi".
Matiza que a situación actual "non é para estar tranquilo. É negativo non conseguir unha vitoria. Só queda traballar e insistir". Valora positivamente Aranzubía o feito de que o equipo dese a cara despois do do Bernabéu. "Llevabamos cinco partidos sen gañar, metéronnos seis en Madrid e vémonos últimos. Non era fácil asimilar todo ésto pero o equipo soubo saír e dar a cara".
De face ao futuro, Aranzubía pide intensidade e que "sigamos con ganas de facer gol".
