Bango recibiu un forte golpe no xeonllo esquerdo, na que fora intervido, mentres que Pompei sufriu unha contractura na perna esquerda. Ambos os xogadores gardarán repouso hoxe e mañá e espérase que se poidan reincorporar aos adestramentos pasadomañá.
De calquera modo, o Oviedo xa ten unha baixa asegurada, posto que perderá a Losada para o encontro do próximo domingo ante o Deportivo, xa que onte viu o quinto cartón amarelo do ciclo. Pola contra, Luís Aragonés recuperará a Boris, tras cumprir a súa sanción, e a Dely Valdés, despois de xogar coa súa selección. O panameño Dely Valdés reincorporarase aos adestramentos pasadomañá, mentres que tanto Amieva como Óscar Álvarez están na fase final da súa recuperación, aínda que non estarán en condicións de viaxar á Coruña.
O persoal de xogadores cambiou esta semana o seu plan de traballo e adestrarase hoxe, desprazando a mañá a xornada de descanso. Pasadomañá, o equipo azul reincorporarase aos adestramentos nas instalacións do Requexón.
