O Fabril callou un bo partido esta tarde no campo de Burgáns (Cambados) en #ONOSODERBI de filiais ante un Celta Fortuna que milita en Primera Federación.
Foi a terceira cita esta semana para o conxunto que dirixe Óscar Gilsanz despois do triunfo en Betanzos CF (0-1) do martes 15 e da derrota en Abegondo ante o CD Arenteiro do mércores 16 (1-2).
Óscar Gilsanz tivo as baixas esta tarde de Mella, Jairo, Martín Ochoa, Diego Gómez e Barba, algúns dos fabrilistas que tiveron minutos co primeiro equipo onte ante o CD Arenteiro; aínda que puido contar con Nájera e con Marc, presentes onte en Espiñedo co Dépor.
O triunfo foi para os célticos pola mínima (0-1) após un disputado partido.
Fabril: Hugo Ríos, Álvaro Santamaría, Iano Simao, Puerto, Óscar Marotías, Brais Val, Mardones, Rubén López, Kevin, Nájera e Iñaki. Tamén xogaron: Manu Berrocal, Brais Suárez, Somolinos, Marc, Hugo, Jamie, Joao e Álex Pereira.
Esta semana entrante, o filial deportivista disputará outros dous novos amigables en Abegondo: o xoves 24 ante o CD Estradense e o sábado 26 fronte á SD Compostela.
O calendario de pretemporada do Fabril, cos resultados dos partidos xa xogados, é o seguinte:
Fabril 4 (Kevin, Nájera -2- e Matías Castillo) - Silva SD 0
Deportivo 2 - Fabril 2 (Kevin e Óscar Marotías)
Fabril 2 (Vilela e un futbolista rival en propia meta) - UD Paiosaco H. Añón 0
Fabril 1 (Nájera) - Bergantiños CF 1
Atlético Arteixo 0 - Fabril 1 (Nájera)
Racing Villalbés 1 - Fabril 1 (Nájera)
Betanzos CF 0 - Fabril 1 (Álex Delgado)
Fabril 1 (Álex Delgado) - CD Arenteiro 2
Fabril 0 - Celta Fortuna 1
Fabril - CD Estradense, o xoves 24 de agosto ás 20:00 horas en Abegondo
Fabril - SD Compostela, o sábado 26 de agosto ás 11:30 en Abegondo
