O partido do Dépor ABANCA B ante a SD Eibar B, o domingo 19 de abril ás 12:00 na cidade deportiva eibarresa, é o partido máis destacado en ANOSACANTEIRA feminina.
Os resultados da pasada xornada, coa goleada ao Atlético Villalonga FF, deixaron ás Nosas en 11ª posición con 25 puntos.
Pola súa banda, a SD Eibar B, que a pasada fin de semana caeu con As Celtas (3-0), é 6º con 40 puntos.
No partido da primeira volta disputado no Dépor Training Center venceron as vascas por 0-4.
Serán baixa Lucía Rivas e Redru, concentradas coa selección española sub-19 na Rolda 2 de clasificación para o Campionato de Europa.
Completan a xornada do domingo 19 o partido do Orzán SD Sub-21 ante a SD O Val na Torre (18:00) e o do Orzán SD Xuvenil ante o EFF Rosalía (12:15) en San Pedro de Visma (campo 1).
Para o sábado 18 quedan os partidos das cadetes e infantís.
Ás 18:00 o Orzán SD Cadete recibe ao CD Narón en San Pedro de Visma e o Orzán SD Infantil A a As Celtas na Fase polo Título.
Finalmente o Orzán SD Infantil B mídese no campo de A Tasca ao ED Xuventú Aguiño ás 11:30 na Fase Plata da Liga Galega.
O calendario de partidos é o seguinte:
Segunda Federación
25ª xornada: SD EIBAR B - DEPORTIVO ABANCA B, o domingo 19 de abril ás 12:00 na Cidade Deportiva Eibar - Areitio
Clasificación: ... 6. SD Eibar B, 40 puntos... 10. Madrid CFF B, 27 puntos; 11. Deportivo ABANCA B, 25 puntos; 12. Olímpico de León, 21 puntos...
Tercera Federación
21ª xornada: ORZÁN SD SUB-21 - SD O VAL, o domingo 19 de abril ás 18:00 na Torre (campo 2)
Clasificación: ... 7. EFM Concello de Boiro, 25 puntos; 8. Orzán SD Sub-21, 24 puntos; 9. Tomiño FC Femenino, 22 puntos; 10. SD O Val, 13 puntos...
Primera Autonómica
25ª xornada: ORZÁN SD XUVENIL - EFF ROSALÍA, o domingo 19 de abril ás 12:15 en San Pedro de Visma (campo 1)
Clasificación: ... 2. EFF Rosalía, 56 puntos... 11. Xallas FC e UD Carral, 24 puntos; 13. Orzán SD Xuvenil, 19 puntos; 14. SCD Pastoriza, 13 puntos...
Liga Galega cadete
23ª xornada: ORZÁN SD CADETE - CD NARÓN, o sábado 18 de abril ás 18:00 en San Pedro de Visma (campo 1)
Clasificación: 1. Victoria CF, 58 puntos; 2. Orzán SD Cadete, 53 puntos; 3. SCD Milagrosa, 51 puntos... 10. CD Narón, 21 puntos...
Liga Galega infantil
Fase polo Título, 3ª xornada: ORZÁN SD INFANTIL A - AS CELTAS, o sábado 18 de abril ás 18:00 na Torre (campo 1)
Fase prata, 3ª xornada: SD XUVENTÚ AGUIÑO - ORZÁN SD INFANTIL B, o sábado 18 de abril ás 11:30 en A Tasca - Aguiño
