Así mesmo, tampouco será obrigatorio a adqusición inmediata das dúas accións do club. Esta compra pódese aprazar para o futuro, dado que as accións son as que garanten o asento en Riazor. Ademais o trazo característico do R.C. Deportivo como S.A.D. é que o 92% dos seus accionistas só teñen dúas accións.
Lembra o consello de administración que segue aberta a inscrición de parados, para o que deberán presentar o seu cartón do INEM na que conste a súa situación de desempregado (non se considerarán válidas as solicitudes de mellora de emprego), e que o R.C. Deportivo considera xubilados a aquelas persoas maiores de 60 anos, salvo excepcións en función, por exemplo, do seu grao de invalidez.
De igual forma, os nenos menores de 5 anos teñen que pagar un asento independente (sería o da mesma localidade correspondente pero infantil). Así mesmo, para as familias numerosas, por cada cinco altas regálase un carné infantil ou júnior da mesma localidade que o resto.
