-Foto:@rfef.es
ANOSACANTEIRA achegou dous futbolistas á selección española sub-16: a gardameta Antía Veiga (na foto na primeira fila de pé) e a atacante Claudia Sande (na foto sentada no céspede).
Ambas as canteirás branquiazuis estiveron concentradas para disputar dous partidos amigables ante Estados Unidos en Alicante.
A segunda cita entre ambas as seleccións foi hoxe luns no Estadio Camilo Cano de La Nucía.
Claudia Sande saltou ao céspede no minuto 34 ata que foi relevada por Abril Rius no 89.
Pola súa banda, Antía Veiga non tivo minutos neste encontro, que acabou en empate a un gol.
O primeiro partido dos dous ante as norteamericanas xogouse o pasado sábado 19 de abril no Estadio Guillermo Amor.
Antía Veiga xogou completo o encontro e Claudia Sande saltou ao céspede no minuto 61 en substitución de Ivet.
O triunfo foi español por 4-3 nun entretido partido.
Os resultados da selección española sub-16 foron os seguintes:
Sábado 19 de abril
ESPAÑA 4 - ESTADOS UNIDOS 3
Martes 22 de abril
ESPAÑA 1 - ESTADOS UNIDOS 1
Antía Veiga acaba de participar nuns adestramentos con este combinado nacional na Ciudad del Fútbol de Las Rozas e disputou un total de 10 partidos esta tempada co Deportivo ABANCA B que marcha de líder no grupo 1º de Tercera Federación.
A porteira branquiazul adéstrase habitualmente co primeiro equipo e chegou a debutar no amigable ante o Real Oviedo Femenino disputado o pasado 21 de agosto de 2024 en Abegondo.
Pola súa banda, Claudia Sande xogou 24 partidos co Orzán SD Sub-21 na Primera Autonómica, 21 deles como titular, nos que anotou 9 goles.
