Claudia Sande xogará coa selección española sub-15 un amigable ante Inglaterra a finais de mes
Claudia Sande Domínguez (A Coruña, 26 de decembro de 2010), futbolista de categoría cadete que xa compite co Orzán SD Sub-21 de Primera Autonómica, foi citada pola selección española sub-15 para disputar un amigable ante Inglaterra o mércores 26 de marzo ás 10.00 (hora local) en Eton College - Common Ln, Windsor (Reino Unido).
A dianteira orzanista concentrarase co equipo nacional en Madrid o luns 24 e regresará após o partido.
Claudia Sande acaba de participar o pasado mes de febreiro con esta selección española sub-15 nuns adestramentos na Ciudad del Fútbol en Las Rozas (Madrid).
A canteirá branquiazul leva na Primera Autonómica 20 partidos xogados cun total de 8 goles marcados.