Colotto completará este venres as probas médicas e será presentado en Riazor pola tarde

Pola tarde, Colotto será presentado aos afeccionados no Estadio de Riazor a partir das 19.00 horas. Para iso, o Club abrirá as portas da Tribuna Inferior ás 18.45 horas.

O novo central deportivista chegou hoxe xoves á Coruña. Pola mañá pasou unha serie de probas médicas no Hospital Modelo e no Hospital USP Santa Teresa e pola tarde someteuse a diferentes probas físicas nas instalacións do INEF Galicia de Bastiagueiro.