Desde as 11:00 horas e ata o comezo do Dépor-UD Las Palmas (19:00 h.) están abertos de forma ininterrompida os despachos de billetes do Pazo dos Deportes de Riazor para a venta de entradas para o último partido de LaLiga Santander 2016-2017. Entradas cun prezo moi especial para socios e accionistas do Dépor, que poderán retirar ata 4 localidades por tan só 5 euros. Unha entrada que ademais vale dobre: para o Dépor-UD Las Palmas e para o Fabril-Cacereño que se disputa en Riazor o domingo día 28 ás 12:00 horas. En ambos os encontros, os socios do Real Club Deportivo teñen libre acceso co seu carné anual.
