A primeira parte estivo marcada pola igualdade entre ambos os equipos nos primeiros minutos. Con todo mediada esta parte o Deportivo impuxo o seu xogo e creou as mellores ocasións de gol.
Primeiro avisou Pandiani cun espectacular remate de cabeza en ferro a centro de Fran que se marchou fóra, era o minuto 29. No 36 sería Luque de potente disparo a saque de falta o que poría en serios aprietos a Juanma que conseguiu despexar. De novo a balón parado no 40, saque de falta de Fran que Duscher remata de cabeza fóra.
Tras o descanso Irureta realizaría oito cambios : saíron nesta segunda parte Juanmi, César, Mauro Silva, Amavisca, Sergio, Víctor, Djorovic e Héctor. Os xogadores substituídos foron Molina, Manuel Pablo, Naybet, Scaloni, Duscher, Jaime, Pablo Amo e Luque. Posteriormente entraría Acuña por Fran e no minuto 25 Changui e Iván Pérez por Capdevila e Pandiani.
A pesar dos cambios o encontro seguiu moi igualado, e sería, no minuto 24, Javi Moreno o que inclinaría a balanza ao lado branquivermello tras bater na saída a Juanmi. O Deportivo a partir dese momento buscou o gol pero o Atlético se replegó e soubo conservar o resultado.
Polo R.C. Deportivo saíron de inicio: Molina, Manuel Pablo, Naybet, Fran, Scaloni, Capdevila, Pandiani, Duscher, Jaime, Pablo Amo e Luque. No banco suplente quedaban: Juanmi, César, Mauro Silva, Amavisca, Sergio, Víctor, Djorovic, Héctor, Changui, Iván Pérez e Toro Acuña.
Mentres que polo Atlético de Madrid fixérono: Juanma, Santi, Javi Moreno, Sergi, Simeone, Aguilera, Lequi, Ortiz, Musampa, Colsa e Rodrigo. Suplentes: Sergi, Nagore, Gaspar, Movilla, Emerson, Jorge, Pinola e Nano.
