Dunia Dahmouni (na foto na fila de arriba a segunda xogadora empezando pola esquerda) disputou coa selección de Marrocos sub-20 o torneo Pink Ladies Cup Youth Team de Turquía.
O terceiro e último partido para a canteirá deportivista foi hoxe mércores 26 de febreiro fronte a Romanía.
Venceron as marroquís (4-2). Dunia Dahmouni arrincou no banco e saltou ao céspede no transcurso do mesmo.
Na segunda cita, o pasado domingo ante Eslovenia, a dianteira do Dépor ABANCA B foi titular nun encontro que caeu ao lado esloveno (0-3).
No primeiro choque, resolto con igualada (1-1) o pasado xoves 20 ante a anfitrioa Turquía, Dunia Dahmouni xogou 25 minutos.
Os resultados de Marrocos sub-20 foron os seguintes:
Xoves 20 de febreiro
MARROCOS 1 - TURQUÍA 1
Domingo 23 de febreiro
MARROCOS 0 - ESLOVENIA 3
Mércores 26 de febreiro
MARROCOS 4 - ROMANÍA 2
Dunia Dahmouni, que xoga en punta, participou no que vai de temporada en 12 partidos, 2 deles titular, co Deportivo ABANCA B en Tercera Federación, nos que anotou 3 goles.
