Entradas á venda para Deportivistas para o Real Unión-Dépor do sábado
A Real Unión de Irún pon á venda 400 entradas para Deportivistas de cara ao partido que o vindeiro sábado ás 17:00 h. disputan no Stadium Gal o Real Unión e o RC Deportivo (Footters). O club local efectúa a venda directa das localidades aos Deportivistas a través do seu sistema online de venda, polo que a compra será totalmente libre e o RC Deportivo non intervén no proceso e non pode dar ningunha preferencia a persoas socias ou peñistas do Club.
As 400 localidades distribúense en 200 entradas de Tribuna Este -cuberta e con asento- (20 euros, menores: 12 euros), e 200 de Preferencia Norte -descuberta e sen asento- (10 euros, menores: 5 euros)