O canteirán branquiazul Sergio Bernárdez está convocado coa selección española sub-15 no Torneo Pinatar Arena en San Pedro del Pinatar (Murcia).
A segunda cita para España foi hoxe venres 1 de febreiro ante Hungría. O triunfo foi hispano (3-1). Sergio seguiu o choque desde o banco e non chegou a saltar ao terreo de xogo.
España debutou o pasado mércores 30 coa República de Irlanda como primeiro rival. O encontro finalizou en empate (1-1), pero os españois foron mellores na quenda de penaltis: 4-1.
Sergio Bernárdez formou no once inicial e foi substituído no minuto 35 por Carlos Alemán, na primeira quenda de cambios programados que dispuxo o seleccionador Julen Guerreiro.
A próxima cita para o canteirán deportivista na selección española sub-15 será este domingo (17:00) ante Países Baixos, no último partido do Torneo.
O futbolista coruñés é un dos veteranos neste combinado nacional, posto que conquistou tamén a Sportchain AGS Cup, competición que se disputou na localidade alacantina de Alfaz del Pi o pasado mes de decembro.
O calendario da selección no Torneo Pinatar Arena, cos resultados dos partidos xa xogados, é o seguinte:
Mércores 30 de xaneiro
ESPAÑA 1 - REPÚBLICA DE IRLANDA 1. A penaltis: 4-1
Venres 1 de febreiro
ESPAÑA 3 - HUNGRÍA 1
Domingo 3 de febreiro
17:00: PAÍSES BAIXOS - ESPAÑA
Sergio Bernárdez milita esta temporada no San Tirso SD de División de Honra cadete, en virtude do convenio asinado por ambos os clubs.
