-Foto:@https://x.com/AUFfemenino
A xogadora do Dépor ABANCA Espe Pizarro (na foto de pé a segunda futbolista empezando pola dereita) está concentrada coa selección uruguaia con motivo da Copa América que se xoga en Ecuador.
Os rivais de Uruguai na primeira fase son Ecuador, Arxentina, Perú e Chile.
O segundo partido da celeste foi ante Arxentina.
Espe Pizarro saíu no once inicial nun choque que se saldou con derrota uruguaia por 0-1 cun gol na segunda metade.
O primeiro partido da futbolista branquiazul no torneo foi fronte a Ecuador.
Neste caso seguiu desde o banco o choque, resolto cun agridoce empate final a dous goles porque Uruguai ía gañando 2-0 no minuto 70.
O calendario de Espe Pizarro nesta Copa América, cos resultados dos xa xogados, é o seguinte:
Primera Fase
Venres 11 de xullo
ECUADOR 2 - URUGUAI 2
Martes 15 de xullo
URUGUAI 0 - ARXENTINA 1
Venres 18 de xullo
16:00 (23:00 en Galicia): URUGUAI - PERÚ, no Estadio IDV
Venres 25 de xullo
19:00 (2:00 do sábado 26 en Galicia): CHILE - URUGUAI, no Estadio Gonzalo Pozo
Os dous primeiros pasan a semifinais mentres que o terceiro pelexará polo 5º posto da competición.
