Fabril e Racing de Ferrol xogarán na homenaxe a José Luís Vara en Esteiro (Muros)
O Fabril e o Racing de Ferrol xogarán o próximo 31 de xullo en Esteiro (Muros), unha partida homenaxe ao capitán deportivista José Luís Vara, falecido recentemente. O partido arrincará ás 19.30 horas.
O filial deportivista arrincará a pretemporada o próximo 15 de xullo ás 10.30 horas no Mundo do Fútbol. En canto aos amigables de pretemporada, ademais do de Esteiro, están confirmados:
17 de xullo ás 12.00 no Campo Municipal de Lombáns en Ou Pindo (Carnota). O rival será unha Selección da Costa da Morte, con motivo da Asemblea Anual de Penas Deportivistas.
24 e 25 de xullo, Trofeo Santiago Apóstolo de Arteixo, con rivais aínda por determinar.
1 de agosto, trofeo amigable baixo a modalidade de tres "nun" no campo do Praíña de Teo (Santiago), a partir das 18.30. Os rivais son o Racing de Ferrol e o Estradense.
O filial deportivista acaba de incorporar a André André, un mediocentro portugués de 20 anos, internacional coa Selección de Portugal sub-19. Será a cuarta incorporación este verán. As caras novas son, ademais do centrocampista luso, o dianteiro Jonathan Mejía Ruiz, coñecido futbolísticamente como Jona; o tamén ariete Dioni, procedente do Caravaca; e o camerunés Julien Dilal Nddombo, centrocampista zurdo.
A maiores, renovaron co Fabril: Seoane, primeira tempada co filial e dúas tempadas máis xa co primeiro equipo; o centrocampista Dani e a meta Diego Rivas, ambos por unha tempada máis.
Causaron baixa: Hugo, Val, Toni, Castelo, Momar e Valencia.
