O balance dos branquiazuis este verán foi de 4 vitorias, 1 empate e 1 única derrota. Os rivais foron equipos de Tercera RFEF (Atlético Arteixo), Segunda RFEF (SD Compostela e Coruxo FC), de Primera RFEF (SD Ponferradina e CD Arenteiro); e un equipo brasileiro, o Red Bull Bragantino, equipo de procedencia de Mauro Silva antes de recalar no Dépor no verán de 1992.
Iván Barbero e Lucas foron os pichichis do verán, con 4 dianas cada un, por diante de Davo (3). Estreáronse tamén en pretemporada Yeremay, Jose Ángel e os fabrilistas Tim e Diego Gómez.
Por diante queda xa a liga, co seu primeiro partido o sábado 26 de agosto ás 20:30 horas en ABANCA-RIAZOR ante o CF Rayo Majadahonda.
Os resultados da #DéporXiraAugaDeParada foron os seguintes:
Martes 1 de agosto, Memorial Arsenio Iglesias: Deportivo 6 (Lucas -2-, Barbero -2-, Yeremay e Tim) - Atlético Arteixo 0 Sábado 5 de agosto, LXXVIII Trofeo Teresa Herrera; Deportivo 4 (Barbero -2-, Davo e Jose Ángel) - Red Bull Bragantino 0 Martes 8 de agosto: Coruxo FC 0 - Deportivo 0 Xoves 10 de agosto, Trofeo 50 Aniversario do Puebla FC: SD Compostela 0 - Deportivo 2 (Lucas e Davo) Martes 15 de agosto: SD Ponferradina 2 - Deportivo 0 Sábado 19 de agosto: CD Arenteiro 0 - Deportivo 3 (Davo, Lucas e Diego Gómez)