González Laxe admite que a imaxe de marca do Dépor ''non a estamos vendendo ben''

"Eu creo que a cidade da Coruña ten dúas imaxes de marca que non estamos a vender ben. A primeira é a Unidade de Transplantes, é o número uno. E a segunda imaxe de marca é o Deportivo. Cando un sae por aí adiante sempre alguén lle fala do Deportivo. A min gustaríame que a Universidade fose a terceira, pero bo… A cidade si que responde ao Deportivo, estea en Primeira ou estea en Segunda. Os afeccionados do Dépor teñen que ser máis esixentes cos seus xogadores e co seu adestrador, que son os que xogan e os que dirixen, por tanto teñen que saber que están a lle facer un servizo á cidade. Eu acórdome cando Arsenio ía xogar a promoción en Sevilla, vímonos na rúa Juan Flórez e díxenlle: 'Pensa na cidade, pensa na cidade que está pendente de todo isto'. Mantivémonos en Primeira. Pois agora hai que dicirlle o mesmo ao adestrador e aos xogadores. Pensen na cidade: teñen que subir a Primeira".

Así mesmo, pídelle ao Presidente Lendoiro que "o que ten que garantir é o ascenso e, sobre todo, ten que promocionar o que é a canteira, porque ás veces, cando hai que obrar, pois é moito mellor formar desde abaixo, formar unha escola que dea un tipo de xogo, por exemplo demostraron o Barcelona ou o Arsenal".