Cinco xogadoras do Deportivo ABANCA entraron en xogo hoxe venres coa Selección Galega sub-18 na primeira xornada da Segunda Fase do Campionato de España de Seleccións Territoriais: Antía, Malena, Lía, Teresa e Jessica.
O seu primeiro rival no Campo Municipal de La Alcudia foi as Illas Baleares, á que derrotou (5-1). Destacou Teresa, autor de 3 tantos. A capitá do Deportivo ABANCA xogou completo o partido, do mesmo xeito que Antía, Malena e Lía. A porteira Jessica non chegou a saltar ao terreo de xogo.
Mañá sábado o rival será Estremadura, ás 12:00 no mesmo escenario.
Desta forma, a Selección Galega suma 6 puntos, contando os da Primeira Fase. Así pois necesita vencer mañá ás estremeñas e esperar outros resultados para saber se se clasifica para a Fase Final.
O calendario de partidos para Galicia é o seguinte:
Venres 9 de febreiro
GALICIA 5 - ILLAS BALEARES 1
Sábado 10 de febreiro
12:00: ESTREMADURA - GALICIA
Carlota foi titular coa Selección Galega sub-16
Carlota Sánchez, xogadora do Deportivo ABANCA B, foi titular e xogou completo o encontro da Selección Galega sub-16 ante Baleares (1-1), na primeira xornada da Segunda Fase do Campionato de España de Seleccións Territoriais.
Desta forma, o combinado galego suma 5 puntos, contando os da Primeira Fase. Un triunfo mañá sábado ante Estremadura en La Alcudia pode meter ás galegas na Fase Final.
O calendario de partidos de Galicia é a seguinte:
Venres 9 de febreiro
GALICIA 1 - ILLAS BALEARES 1
Sábado 10 de febreiro
10:00: ESTREMADURA - GALICIA
