Homenaxe do Deportivo ao Exército de Terra minutos antes de comezar o Deportivo-Zaragoza
A zona mixta do Estadio de Riazor, e cos medios de comunicación como testemuñas, foi o escenario dunha nova homenaxe que o Deportivo realizou ás persoas que loitan este verán en Galicia contra os incendios forestais.
Neste caso, Augusto César Lendoiro, Presidente do Deportivo,
fixo entrega ao Coronel Romeu Batallán, ao mando dun centenar de soldados do
Exército de Terra, dunha camiseta oficial do Centenario como símbolo de gratitude
polo labor de prevención de incendios forestais nos montes
galegos. Todos eles asistiron a este Dépor-Zaragoza convidados o Club.
"Queremos así darvos as grazas polo voso apoio e traballo", manifestou Lendoiro
ao Coronel Batallán ao entregarlle a camiseta.
No pasado Trofeo Teresa Herrera foron os bombeiros voluntarios
chegados da Comunidade de Madrid os que recibiron o agarimo do Real Club
Deportivo.
