Á súa vez, eloxia a xestión de Augusto César Lendoiro: "Teño amizade co Presidente e con moitos integrantes da xunta directiva. Hai un agarimo mutuo. Non hai que esquecer que foi o meu primeiro presidente cando eu xogaba no Ural e non é a primeira vez que colaboro dalgunha forma co Deportivo, mesmo na contratación de xogadores. Sería unha gran honra que o Deportivo quixese contar cos meus servizos dalgunha forma". "Augusto é un presidente que demostrou a súa categoría e valía. É un xestor marabilloso. Fixo un Deportivo grande cun esforzo tremendo. Soubo fichar a xogadores importantes cun custo menos elevado do que lle podería custar a outros equipos e iso é un gran logro do presidente, da súa xunta directiva e do secretario técnico ou o director deportivo. Aínda que ás veces ese director deportivo sexa o presidente", engade Paco Buyo.
A que se dedica Buyo na actualidade?
Á parte de estar ligado ao fútbol colaborando con diversos equipos, teño unha
empresa dedicada á instalación de céspede deportivo artificial e natural. O
último que fixemos é a implantación do novo céspede do Bernabéu e imos
acometer a nova Cidade Deportiva do Real Madrid. Esa herba tróuxose de Holanda.
É unha mestura de natural e artificial que se está implantando en diversos
estadios europeos e mesmo en Estados Unidos.
Como se explica o cambio que deu o Depor dunha tempada a outra?
É un cúmulo de circunstancias. Levan excesivo tempo coa mesma persoal,
o que ten as súas vantaxes pero tamén os seus inconvenientes, como o conformismo.
Irureta leva sete tempadas á fronte do equipo e iso ten un desgaste
psicolóxico importante. Se non se move o persoal, córrese o risco de que
uns e outros entren nunha monotonía.
Reaccionará o Depor?
Tivo unha fochanca, non soubo collerlle o ritmo á competición; pero non está
moi lonxe dos postos que dan acceso á liga de Campións. Espero e creo
que o Deportivo vai reaccionar e alcanzar, polo menos, o terceiro ou o cuarto
posto, aínda que vai ser complicado.
Que me podería dicir dos porteiros do Deportivo?
Coñezo perfectamente ao tres. É unha pena que Dani non poida seguir xogando e
contando con minutos porque o ano pasado fixo unha gran campaña en Segunda co
Elxe. Molina xa é moi coñecido pola afección española e Munúa é o
clásico porteiro suramericano, que está a gozar dunha pequena continuidade;
alternou unha actuación marabillosa en Valencia con outra o domingo pasado na
que non estivo moi acertado, polo menos no segundo gol. É unha meta que ten
magníficas condicións.
Que recordos quedan do seu paso polo conxunto coruñés?
Uns recordos marabillosos porque foi onde me formei como persoa, como
futbolista... eran situacións totalmente distintas ás que atravesa agora o
Depor. Estabamos en Segunda e loitando contra unhas dificultades económicas
tremendas. O Deportivo non podía fichar grandes xogadores, aínda que tiña un
elenco de futbolistas maioritariamente galegos, os que nos esforzabamos por levar
ao equipo todo o máis alto. Foi unha época bonita.
Poñamos un suposto. Se tivésemos unha máquina do tempo e vostede atopásese
xogando no Deportivo da actualidade, tomaría a decisión de marcharse a outro
equipo?
Eu funme porque ao Deportivo presentóuselle unha oportunidade importantísima de ingresar
diñeiro. O Depor non era un equipo grande, nin moitísimo menos. Non cabe
dúbida de que aproveitei a oportunidade e veume moi ben porque seguín progresando
nun equipo importante como o Sevilla en Primeira División. Xogar en Primeira
con 19 anos era importantísimo para o meu. Se fose agora, abandonar A Coruña sería
moi complicado porque o Depor é un equipo grande e un equipo así non é fácil
abandonalo.
Teño amizade co presidente e con moitos integrantes da xunta directiva. Hai un agarimo mutuo. Non hai que esquecer que Augusto César Lendoiro foi o meu primeiro presidente cando eu xogaba no Ural e non é a primeira vez que colaboro dalgunha forma co Deportivo, mesmo na contratación de xogadores. Sería unha gran honra que o Deportivo quixese contar cos meus servizos dalgunha forma. Augusto é un presidente que demostrou a súa categoría e valía. É un xestor marabilloso. Fixo un Deportivo grande cun esforzo tremendo. Soubo fichar a xogadores importantes cun custo menos elevado do que lle podería custar a outros equipos e iso é un gran logro do presidente, da súa xunta directiva e do secretario técnico ou o director deportivo. Aínda que ás veces ese director deportivo sexa o presidente, asegura Buyo.
