Juan Hermida recibe a ovación de Riazor tras case medio século coidando aos xogadores do Dépor

Hermida foi aplaudido pola afección e obsequiado polo Club, recoñecido polo deportivismo, durante o descanso do encontro da primeira xornada da liga Santander 2016-2017, disputado onte á noite fronte ao Eibar.

 

Nacido o 10 de xuño de 1935 na capital herculina, Hermida comezou a súa relación co Club da man de Arsenio Igrexas, exercendo como masaxista do Fabril que dirixía o técnico arteixán, ao comezo da Tempada 1969-1970. Desde entón, transcorreron 47 anos e 2 meses nos que Hermida puxo as súas mans e a súa sabedoría ao servizo dos xogadores branquiazuis, boa parte deles traballando co primeiro persoal deportivista.