Gaël Kakuta e Davy Roef estréanse na lista de 19 xogadores convocados, con tres porteiros, para o partido de mañá sábado 28 de xaneiro en Ipurúa ante o Eibar (18:30, Bein Sports).
Tamén regresan a unha convocatoria Bruno Gama e Carles Gil, que hoxe mesmo, ao finalizar o adestramento, recibiron a alta médica.
Esta mañá en Abegondo, co fabrilista Quique Fornos e sen Fayçal Fajr (na Copa de África), Garitano traballou a posesión; e a saída de balón e chegadas por banda. Un partido once para once puxo o punto e final ao adestramento sobre o céspede.
Tras o encontro ante o equipo vasco, o cadro está citado en Abegondo o domingo 29 de xaneiro ás 11:00.
Os futbolistas convocados viaxan a Bilbao esta tarde, con esta folla de ruta:
Venres 27 de xaneiro
18:00: Saída do voo chárter do Aeroporto da Coruña con destino ao Aeroporto de Bilbao
18:30: Chegada aproximada a Bilbao e aloxamento no Hotel NH Villa de Bilbao
Sábado 28 de xaneiro
18:30: Eibar - Deportivo, en Ipurua
23:00: Saída do voo chárter do Aeroporto de Bilbao con destino ao Aeroporto da Coruña
Domingo 29 de xaneiro
00:00: Chegada aproximada ao Aeroporto da Coruña
