O parón na Primera Iberdrola motivado polos compromisos das seleccións nacionais provocou que o Deportivo ABANCA, sen competición pois esta fin de semana, teña uns días de descanso.
Despois do último adestramento onte xoves pola tarde en Abegondo, Manu Sánchez, técnico deportivista, concedeu hoxe venres, mañá sábado e o domingo como días de descanso ao seu cadro.
O Dépor ABANCA regresa ao traballo o luns 12 de abril ás 16:30 en Abegondo para comezar a preparar a seguinte cita ligueira, a visita ao FC Barcelona prevista para o sábado 17 de abril ás 12:00 (Teledeporte) no Estadio Johan Cruyff.
