Grazas a esta colaboración, o Deportivo disporá de automóbiles da marca Mercedes destinados a cubrir as necesidades do Club, especialmente mediante os seus vehículos industriais, como as furgonetas Citan ou Viano, perfectas para o traslado de material e de persoas entre as diferentes instalacións do Dépor.
O acordo, asinado esta mañá por José Louzao e Tino Fernández, dará presenza en diferentes puntos do Estadio de Riazor e a través das canles de comunicación do Deportivo, a unha das marcas máis prestixiosas do mundo do automóbil e a un dos concesionarios con máis tradición da cidade.
Mercedes converteuse nos últimos anos nunha marca que, sen perder os acenos de identidade da súa ampla gama premium, está a achegarse a un público máis xeneralista, novo e dinámico grazas a modelos como a Clase A, B ou o recentemente presentado GLA. Todo iso unido á gran tradición e presenza que ten no sector industrial grazas aos seus modelos, algúns dos cales estarán ao servizo do Deportivo nas próximas semanas.
