Luís Alberto estréase como goleador e dá o triunfo ao Dépor en Ponferrada

A primeira oportunidade clara do partido foi para Sobrino, que roubou no centro do campo un balón, fíxose un autopase para deixar atrás a Róber e plantarse ante Fabricio, pero adiantouse demasiado o balón no último control, o que permitiu adiantarse á meta deportivista.

 

Respondeu ben o Dépor. Róber deixou un balón de tacón na área berciana a Luís Fernández, que rematou ao traveseiro. O propio Luís, pasada a media hora, puido adiantar ao Dépor, pero o seu disparo raso a pase de Óscar atállao a meta local Dinu.

 

A primeira parte acabou cunha boa xogada da Ponferradina, fabricada polos seus dous futbolistas máis destacados: centrou Sobrino e Yuri, en posición acrobática, rematou lixeiramente alto.

 

Ao descanso chegouse sen goles.

 

A segunda parte arrincou cun cambio no Dépor. Juan Domínguez relevou a Medunjanin. Ao once minutos, Víctor repartiu minutos e realizou un cambio múltiple: Lux, Blas, Lopo, Insua, Saul, Teles, Luís Alberto, Juanfran, Dani Igrexas e Oriol Rise saltaron ao campo.

 

Foi Luís Alberto o que adiantou ao Dépor no minuto 67. Rematou á primeira no corazón da área un bo centro raso desde a dereita de Juanfran. O partido decaeu en ritmo e as ocasións de gol escasearon nas dúas portarías.

 

O encontro finalizou con xusto triunfo deportivista.

 

Deportivo: Fabricio (min. 57, Lux), Laure (min. 57, Blas), Róber (min. 57, Lopo), Arribas (min. 57, Insua), Navarro (min. 57, Saúl), Medunjanin (min. 46, Juan Domínguez), Alex Bergantiños (min. 57, Teles), Luisinho (min. 57, Luís Alberto), Alex Corredera (min. 57, Dani Igrexas), Óscar (min. 57, Juanfran) e Luís Fernández (min. 57, Oriol Rise).

 

Goles: 0-1, min. 67, Luís Alberto.