Pepe Mel citou a 21 futbolistas para a oitava cita de pretemporada, outro trofeo clásico do fútbol estival, o Trofeo Concepción Arenal, que alcanza este ano a súa 56ª edición. O rival será o Racing de Ferrol, de Segunda División B, esta tarde ás 20:00 horas no campo da Malata.
A novidade na convocatoria é o regreso de Luisinho; e as baixas por lesión respecto ao partido en Pontevedra de Bruno Gama, cun golpe na cadeira; Tytoà Â, cunha sobrecarga nun cuádriceps; e Andone, cunha contusión no sóleo.
A directiva do Club racingista fixou os seguintes prezos:
-Tribuna: 15 euros
-Preferencia: 12 euros
-Bancada de fondo: 10 euros
-Menores de 12 anos: 1 euro en calquera bancada
Esta mañá, cos canteiráns Edu e Francis, tras un exercicio de accións de ataque e defensa a todo o campo, Pepe Mel dividiu ao seu cadro en dous grupos. Así, mentres un grupo ensaiaba accións de estratexia, o outro tiña fútbol en espazo reducido.
Adestráronse á marxe do grupo Carles Gil, Florin Andone, Tytoà  e Juan Domínguez, este cunha escordadura de nocello.
Mañá venres 28 de xullo, o cadro volverá adestrar en Abegondo ás 10:30 horas.
