A Oficina da Atención ao Deportivista despachou 129 entradas para o partido de mañá venres 23 de agosto fronte ao Extremadura, correspondente á 2ª xornada de LaLiga 1|2|3, que terá lugar no Francisco de la Hera de Almendralejo a partir das 22:00 horas.
As entradas corresponden ás seguintes 14 penas deportivistas: Verín-Pablo Amo, Perla de Arousa, Chamberí, Rouba Risons, O Boi de Allariz, Caña Derbas, Al Sur de Riazor, Camándulas, Rías Baixas, El Bierzo, La Cuesta, La Estrella, Brigantium e O Cortés.
Para o encontro da 1ª xornada de LaLiga 1|2|3, disputado o pasado venres no Carlos Belmonte de Albacete, a OAD vendeu case un centenar de entradas a 13 penas branquiazuis: Cheka, Rias Baixas, Rebumbio, Deivy, Miau Miau, Chamberí Blanquiazul, La Cuesta, Camándulas, Perla de Arousa, La Cabaña del Cazador, Caña Derbas, El Bierzo e Noroeste Turko.
