Manu Sánchez manifestou esta tarde na sala de prensa de Abegondo que aínda que "a forma e o resultado dá máis confianza sobre o traballo que se fai, sobre todo para as súas cabezas, o importante é gañar partidos. O noso obxectivo de aquí ao que resta de temporada é gañar o próximo partido".
O técnico deportivista, que incluíu de novo ás canteirás Eva Dios e María Figueroa na convocatoria, explicou que "a mentalidade que temos é que o Club dispón de 40 xogadoras. Non contemplamos o que é equipo profesional ou equipo B. Teño a vantaxe de contar con 40 xogadoras e mesmo coas que temos no filial, o Orzán. Desde o primeiro ano hai un número alto de xogadoras que debutaron co primeiro equipo. O ano pasado ocorreu e este ano máis".
Neste sentido, subliña que "xa desde a pretemporada Eva Dios incorporouse á dinámica do primeiro equipo porque gañouno. Agora está María Figueroa. Hai que ter moito coidado. Non é un brinde ao sol, de veña subir xogadoras. Hai que esperar o momento. No caso de María necesitou dese proceso de chegar aquí, ao Deportivo ABANCA, traballar da nosa maneira, nas nosas instalacións. O seu crecemento como futbolista está á vista de calquera, como o de Eva, Carlota desde o ano pasado... Agora hai máis urxencia pola cantidade en número pero sempre as tivemos aí (as canteirás) e estamos encantados".
Con dous partidos consecutivos na Cidade Deportiva, o primeiro deles mañá mércores 10 de febreiro ante a SD Eibar (16:30, Gol), o adestrador branquiazul pide que Abegondo "sexa un fortín. Pelexaremos para que sexa así".
Do rival, comenta que é un equipo que "amoldouse ben á categoría. É capaz de desenvolver distintos modelos de xogo. Coñecémolo ben e tentaremos combater da mellor maneira posible. Un equipo valente, aguerrido, que non se amedrenta ante ningún rival. É perigoso neste sentido. Seguramente virá sacar os tres puntos, non a especular".
