Manuel Pablo manifestou esta mañá na sala de prensa de Abegondo que "temos moitas posibilidades se gañamos os 2 partidos (CD Laredo este domingo 27 de abril ás 12:00 en San Lorenzo e RS Gimnástica de Torrelavega en Abegondo). Ao meterse o Real Ávila CF aí abriuse unha praza que se cadra non contabamos antes. Está todo moi igualado".
Apunta que "hai que pelexar os partidos até o final. Non van ser fáciles pero si cremos que as nosas posibilidades aumentan moito se somos capaces de gañar os 2 partidos".
O técnico fabrilista pide "ser nós, estar acertados. A pesar do resultado do outro día (0-1 ante o Salamanca CF UDS) non merecemos perder. Non estivemos ben na circulación. Tivemos moitos máis achegamentos e máis chegadas pero isto trátase de acertar. A resultados semana após semana son todos moi igualados. Non nos van a dar facilidades. Teremos que facer o noso traballo e despois esperar pero vai depender moito do que fagamos nós".
Do rival, o CD Laredo, advirte que "xogan ante a súa afección, é o seu último partido. Xa estaban descendidos fai 2 ou 3 semanas e sacaron algúns resultados sorprendentes. Ves que os resultados son curtos. Sempre imos a por os partidos e non vai ser esta unha excepción, co que nos xogamos. Temos que estar atentos ao seu xogo tamén, concentrados, saír como saímos, mellorar as situacións de xogo, ter maior protagonismo e maiores chegadas á área, e nunca descoidarnos".