A porteira María Ameneiros Yáñez abandona a disciplina do Deportivo Abanca e continuará a súa carreira futbolística no equipo da universidade norteamericana de Cardinal Stritch, onde comezará os seus estudos superiores.
María Ameneiros foi un das primeiras fichaxes do Deportivo Abanca cara á primeira campaña da súa historia, na Segunda División Nacional. A ex futbolista do Orzán xogou 7 partidos, 5 deles como titular, co primeiro equipo feminino, que alternou con numerosas participacións no Deportivo Abanca B.
A gardameta, que o próximo 15 de agosto cumprirá 18 anos, cursará Comunicación e Xornalismo no centro universitario situado na cidade máis importante do estado de Wisconsin, Milwaukee. Na Cardinal Stritch University, María Ameneiros terá a ocasión de competir nun país, Estados Unidos, con longa tradición e enorme competitividade no que a fútbol feminino refírese, coas posibilidades que todo iso ofrece.
O RC Deportivo quere desexar a mellor das sortes na súa aventura americana a María Ameneiros, á que agradece o seu esforzo e dedicación defendendo a camiseta branquiazul durante a primeira temporada da historia do Deportivo Abanca.
