Meritorio empate do Dépor no test máis esixente no que vai de pretemporada

Gomis, ao cuarto de hora, volveuno a tentar cun chute raso lixeiramente desviado. Aos 20 minutos, o Dépor conseguiu sacudirse o dominio galés, aínda que aínda sen crear perigo á meta de Fabianski. Seguiu o Swansea buscando a meta de Fabricio. Á media hora, Shelvey, desde a frontal, xutou lixeiramente alto.

 

Pouco despois, o propio Fabricio evitou coa súa luva un cabezazo de Gomis na área pequena. Ao minuto seguinte, Arribas despexa 'in extremis' un pase da morte ao que se aprestaba a rematar Shelvey, o motor do Swansea.

 

No entanto, ao descanso, a pesar do arreón final local, chegouse con igualada sen goles.

 

A segunda parte iniciouse con cambio na portaría deportivista. Lux relevou a Fabricio. Tamén refrescou o Swansea o seu once, dando entrada a Montero, Tabanou e Sigurdsson. Ao minuto de xogo, Gomis, obstaculizado por Arribas, non logrou rematar ante Lux un centro pasado desde a banda zurda.

 

O Dépor freaba ben ao Swansea e aos poucos empezou a crear perigo. O colexiado do partido, L. Evans, non viu un claro penalti na área local por man dun defensor do Swansea a tiro desde a frontal de Luís Alberto.

 

Un doloroso 'bocadillo' forzou un novo cambio no Dépor. Cardoso relevou a un dolorido Luisinho.

 

A mellor xogada branquiazul partiu das botas de Luís Alberto: fixo dous caños e mpvió ben o balón, que acabou na banda dereita. Laure puxo un bo centro que Oriol, de cabeza, mandou fóra por pouco. O centrocampista andaluz repartiu pases e caneos. O Dépor mereceu o gol en varias xogadas como nun dobre remate de Juanfran, tras outra gran xogada de Luís Alberto, que sacou de novo outro defensor galés coa man e a meta Fabianski nunha gran parada.

 

Refíxose na recta final o Swansea e o partido se conviertió nun intercambio de golpes. Navarro evitou baixo paus o primeiro gol galés. Na xogada seguinte, Lux gañoulle un 'man a man' ao central Ki Sung-Yueng.

 

No outro área, Lopo rematou alto un saque de esquina. Os locais responderon cun chute de Montero, que se marchou lixeiramente desviado tras tocar nun defensa branquiazul.

 

O Dépor aguantou ben o último empuxón do Swansea e o partido acabou sen goles.

 

Deportivo: Fabricio (min. 46, Lux), Laure (min. 73, Cani), Lopo, Arribas, Navarro, Álex Bergantiños (min. 73, Juan Domínguez), Mosquera, Juanfran, Luisinho (min. 62, Cardoso), Luís Alberto e Oriol.

 

Árbitro: L. Evans. Amoestou a Luís Alberto, Lopo, Lux, Navarro e Arribas, por parte do Deportivo.