-Foto:@https://x.com/FemeninoFVF
A xogadora do Dépor ABANCA B Michi Apóstol e a súa selección, Venezuela, disputan a Copa América en Quito (Ecuador).
Os rivais da futbolista branquiazul son Brasil, Colombia, Paraguai e Bolivia.
No terceiro partido ante Bolivia, Michi Apóstol tivo os seus primeiros minutos no torneo e puido participar da goleada por 7-1 ás bolivianas.
A canteirá deportivista saltou ao céspede no minuto 63 en substitución de Ysaura Viso.
Nos dous anteriores encontros, ante Brasil e Colombia, a futbolista do Dépor ABANCA seguiu o choque desde o banco.
Venezuela pecha a primeira fase ante Paraguai o sábado 26 de xullo ás 19:00 (hora local, 2:00 da madrugada do domingo 27 en Galicia).
O calendario de Michi Apóstol na Copa América, cos resultados dos xa xogados, é o seguinte:
Luns 14 de xullo
BRASIL 2 - VENEZUELA 0
Xoves 17 de xullo
VENEZUELA 0 - COLOMBIA 0
Sábado 19 de xullo
VENEZUELA 7 - BOLIVIA 1
Sábado 26 de xullo
19:00 (2:00 do domingo 27 hora galega): PARAGUAI - VENEZUELA, no Estadio IDV
Os dous primeiros de grupo pasan a semifinais e o 3º pelexará polo 5º posto
Michi Apóstol é internacional en todas as categorías e ten contrato en vigor polo Dépor ABANCA até xuño de 2027.
