RCDeportivo RCDeportivo RCDeportivo
Skip to main content
#ASNOSAS

Millene: "A xente que veu vai sumar ao equipo"

Millene Cabral, autora de 2 goles ante o SC Braga, manifestou ao terminar o primeiro amigable de pretemporada do Dépor ABANCA que "o obxectivo era con balón e máis ofensivo. Na primeira parte estivemos un pouco mellor, atopamos á xogadora libre. Son mecanismos que xa temos do ano pasado e nótase moito que somos moitas que levamos xogando xuntas moito tempo. Iso viuse no primeiro amigable da pretemporada".

A dianteira brasileira fala de "boas sensacións. A xente que veu vai sumar ao equipo. Obviamente hai un tempo de adaptación. Son xogadoras que teñen moito para sumar. Veñen con enerxía nova que é importante. Aos poucos iranse metendo máis ao equipo. De momento estamos moi contentas e con moitas ganas".

Finalmente a nivel persoal, e a pesar dos seus 2 goles na Cidade Deportiva do SC Braga, advirte que "hai cousas que mellorar. Diso trátase a pretemporada. O meu obxectivo é mellorar todo o que poida en pretemporada para chegar o mellor que poida á temporada".